長氣店長講解

Hello! 係咪第一次黎Party Boz呢? 歡迎歡迎!(Hello! Welcome to Party Boz, if you cannot read chinese, please call/ click here to whatsapp 68440169 for assistant! We love to help you!)

我地主要係做氣球同場地佈置,亦有售賣派對用品 & 小禮物。因為有太多配搭選擇喇,睇睇介紹會有多D概念要點揀嫁!
店主真係好長氣嫁,所以d答案都會有少少長,都係希望解答到大家嘅疑問,幫到大家!
仲係有唔明/唔知我地做唔做到你想要嘅item或者效果,可以直接whatsapp/打電話俾我地嫁!
但whatsapp留左message可能要俾少少時間我地呀,因為人手有限,大部份時間會以出單為先,message左我地就一定會覆,等我地!


關於 Party Boz  波波


Q1. 一個波接唔接單?訂購步驟係點?
Q2. 有咩種類嘅波波?可以點用法?
Q3. 唔同種類嘅波波可以飄浮/保存到幾耐?
Q4. 有咩顏色配搭揀?同埋應該點揀好?
Q5. 波波印字/圖案有無咩限制?
Q6. 價錢係點計?
Q7. 要預早幾多訂?
Q8. 要去邊拎貨?可唔可以送貨?
Q9. 收到貨之後有咩要注意?



關於 Party Boz 場地佈置


Q10 . 有咩佈置物品揀?
Q11. 如果有場地資料係咪可以出效果圖?
Q12. 租借/直接買走佈置物品同專人到場佈置分別係點收費?
Q13. 租借佈置物品可以借幾耐?
Q14. 租借佈置物品有損壞點算?


關於 Party Boz 派對用品 & 小禮物


Q15. 派對用品&小禮物有咩種類?



關於 Party Boz  波波


Q1. 一個波接唔接單?訂購步驟係點?


放心!一個波都接嫁,我地無最低消費,總之幫到你就OK!

如果你係用緊電話睇,又睇唔到下面d細字可以轉Desktop mood放大睇
(設定Setting > 電腦版網頁Request desktop site)




Q2. 有咩種類嘅波波?可以點用法?


波波主要有3種:乳膠波、鋁膜波同水晶波,而水晶波有2款,再拉落少少個表講哂有咩分別嫁喇。

尺寸:
-乳膠波:泵左之後由波頂至波底嘅高度
-鋁膜波:未泵果陣嘅尺寸
-水晶波:泵左之後由波頂至波底嘅高度

大家可以就咁買未泵嘅波波,或者叫我地幫手泵埋都可以,如果係香港用都建議係我地泵埋俾你呀。
泵普通氣就唔識飛,泵氦氣就可以係一定時間之內令波波飄浮升空。
都唔係所有波泵左都識飛嫁,都要波波本身夠大可以泵足夠氦氣入去先可以飛嫁:
-乳膠波:10吋或以上
-鋁膜波:18吋或以上
-水晶波:14吋或以上





咁可以用黎做d咩呢?

普通氣泵脹左嘅波波可以拎住或者係貼係牆上面做裝飾啦,想特別d就可以印埋字做以下2款波波。

- 手拎波波:有支棍仔俾你拎住影相或者做cake topper,相對可以保存得耐D。

- 飛天波波:泵左氦氣,會係一定時間之內升空飄浮。水晶波、乳膠氣球同埋鋁膜氣球都可以,全部都可以自由配搭做成一束束。




Q3. 唔同種類嘅波波可以飄浮/保存到幾耐?


!!!!! 其實所有充氣產品都最好當日先拎呀 !!!!!

Q4. 有咩顏色配搭揀?同埋應該點揀好?


咁首先可以望一望下面張圖睇睇有咩可以揀,基本上所有襯色都可以自己襯,想要咩主題都可以做到



最多人問都係究竟係羽毛、紙碎、波中波定珍寶波好?實色字定金色字好呢?

- 羽毛:夢幻,可以做到漸變效果
- 紙碎:繽紛,影相畫面會豐富d
- 波中波:可愛,影相畫面會豐富d
- 珍寶波:實色得黎又飛得耐,唔怕俾背景顏色影響
- 實色字:影相清楚,咩角度都會影到
- 金色字:實物靚,但影相會有少少反光,要就一就角度
不過最緊要都係睇背景係咩,因為如果係水晶波的話,字色同背景撞色就會突出唔到個message嫁喇!


Q5. 波波印字/圖案有無咩限制?


只要唔係太幼/太多detail嘅字體同埋圖案都可以做到,可以click呢度去睇睇template呀
如果都係揀唔岩可以直接whatsapp/打電話俾我地講想點排嫁!
如果有特別logo/圖案想加都可以,俾圖我地睇下做唔做到就可以嫁喇。


價錢已經包括:
- 基本字數:4 個中文字/英文單詞
- 簡單 Icon 圖案

(每個氣球尺寸可選Icon圖案數量都唔同,如揀太多或者會當自訂圖案計算。)


除左以下情況,重新設計唔會另外收費嫁:
- 加卡通人物/自訂圖案                                        +$80 處理費 
- 5 個中文字/英文單詞*或以上                           +$20 手工費
- 8 個中文字/英文單詞*或以上                           +$40 手工費
- 8 吋或以下手拎氣球同行超過3個中文字/1個英文單詞*   +$40 手工費




Q6. 價錢係點計?


因為想配合到大家唔同要求,務求方便到大家可以快d揀到想要嘅野,我地都有唔同安排:

- 如果唔太夠時間慢慢揀,我地有已經配襯好哂,唔同價位嘅氣球set俾大家快速KO。
- 如果想花多少少心思去配襯,我地已經將所有收費拆得比較細緻,照返要求遂樣計,
清楚楚明碼實價,無話fix左一束波一定要係某個數量/跟某個配搭嫁。



整左幾個襯法俾大家參考:


Q7. 要預早幾多訂?


如果定左event日子又一定係想搵我地幫手,最好就當然係愈早通知我地留期俾你啦!
但如果唔係嘅,係突然想要又咁岩搵到我地,通常三日前打黎問都一定做到俾你,除非你想要嘅顏色/尺寸無貨啦,咁你都講講想要咩效果,我地可以建議其他替代方案俾你嫁!
平日星期一至五要都可以前一日直接打黎問,好趕想即日要都未必做唔到,但就一定要打電話!68440619!等你!
因為星期六、日同紅日都係有單先會開門,所以如果係呢類日子嘅話就早少少打黎問同留期喇。


Q8. 要去邊拎貨?可唔可以送貨?


1)未泵氣產品/手拎波波可以自取/順豐到付,當然方便就黎自取最安全
2)充氣氣球束可以門市自取/客人自費van仔,我地會預返時間call車同送上車,但唔跟車,客人直接俾車費司機同接貨就可以喇


Party Boz
68440619
葵涌大連排道42-46 號 貴盛工業大廈二期 8樓 E03
Factory E03 on 8/F, Kwai Shing Industrial Building, Nos. 42-46  Tai Lin Pai Road, Kwai Chung, New Territories
https://goo.gl/maps/b3XEfQ6jf78QBe5S7n



Q9. 收到貨之後有咩要注意?


氣球睇落脹卜卜好似好實淨都好,都係氣球,會熱脹冷縮同埋吉爆
- 唔可以太熱/太凍
- 唔好直接接觸地下/放地下過夜
- 遠離射燈、消防花灑、火種、樹旁
有咩問題即時打俾我地!

手拎氣球:
如果兩個波波表面痴住左,請慢慢分開先好拎出黎。
如果做cake  topper,請一定一定唔可以同蠟燭一齊插係蛋糕上。

飛天氣球:
如果有加購重力座,波波係鬆鬆地咁綁住係重力座度。
收到之後,解開個生結,較好高度之後就打返2-3個死結就會好安全唔會飛走嫁喇!
同埋記得keep返個重力座呀,下次唔駛再買,慳錢又環保!



Q10 . 有咩佈置物品揀?

氣球、foamboard、布藝、相架、絲花、蛋糕架.....
基本上你講得出,我地都可以幫你做到!

唔好意思呢個Q&A第一版主要係解答左氣球嘅問題先,關於其他item可以直接whatsapp/打電話俾我地!會盡快update埋其他部份嫁喇!


Q11. 如果有場地資料係咪可以出效果圖?


係呀!你可以send場地實圖俾我地,我地就可以好似下面咁整返draft俾你嫁喇!



Q12. 租借/直接買走佈置物品同專人到場佈置分別係點收費?


- 租借收費包左租走物品嘅費用+按金,當物品完好歸還之後按金就會全數退返俾你。
- 專人到場佈置除左特別場地會收附加交通費之外,價錢已經包左到場佈置同埋回收物資嘅費用。

唔好意思呢個Q&A第一版主要係解答左氣球嘅問題先,關於其他item可以直接whatsapp/打電話俾我地!會盡快update埋其他部份嫁喇!



Q13. 租借佈置物品可以借幾耐?


租借一般係3日2夜,如果係第3日係星期日/紅日的話就可能會順延去星期一/紅日翌日先還都可以。

唔好意思呢個Q&A第一版主要係解答左氣球嘅問題先,關於其他item可以直接whatsapp/打電話俾我地!會盡快update埋其他部份嫁喇!


Q14. 租借/使用佈置物品有損壞點算?


租借/使用佈置物品途中有任何損壞都會按返物品價錢收費,呢個情況都好少發生嘅,大家小心d就可以。
如果當中有玻璃物品/鏡,大家就要留心多少少,特別要提醒小朋友,開心同安全一樣咁重要嫁。

唔好意思呢個Q&A第一版主要係解答左氣球嘅問題先,關於其他item可以直接whatsapp/打電話俾我地!會盡快update埋其他部份嫁喇!


Q15. 派對用品 & 小禮物有咩種類?


玻璃球小夜燈、蛋糕牌、紋身印水紙......
基本上你講得出,我地都試試幫你搵到嫁!

唔好意思呢個Q&A第一版主要係解答左氣球嘅問題先,關於其他item可以直接whatsapp/打電話俾我地!會盡快update埋其他部份嫁喇!